الكنافة الخشنة بالقشطة والجبنة

المقادير :

10 أشخاص
    1.    500 غرام كنافه خشنة 


    2.    فستق حلبي للزينة 


    3.    قشطة 


    4.    0.5 كاسة سمنة 


    5.    0.5 كاسة زيت ذرة 


    6.    قطر بارد 



طريقة التحضير :

    1.    

مندهن صينيه الفرن بالسمنة انا استعملت بيريكس لسهولة رؤية الكنافه اذا تحمرت من تحت ولا لاء، ومنحط نصف كمية الكنافه او اكتر شوي وفوقا طبقة نايلون شفاف ومنضغط منيح من فوق النايلون.

    2.    

500 غرام عجينة كنافه خشنة، منفتتا قطع صغيرة بحجم شعيريه الرز، ممكن فرم بالسكين وممكن بمحضرة الطعام ومنضيف كاسة نصها زيت ونصها سمنة سايحة ومنفرك الكنافه لتتبلغ كلا بالدهن.

    3.    

بعدا منضيف القشطة بدون مانقرب عالاطراف ومنرجع منعبي الاطراف من عجينة الكنافه ومنغطي القشطة منيح ومنرجع طبقه النايلون ومنرجع منضغط عالخفيف لنسوي سطح الكنافه بمستوى واحد.
    4.    

منرفع طبقه النايلون ومنضيف 2 ملعقه-كبيرة سمنة ومندخل الكنافه عالفرن الحامي ع درجه حرارة 200 عالرف الاقرب للنار التحتانيه ولكن ليس مباشرة ملامس للنار ومنتركا لتتحمر من تحت بعدو منشعل من فوق لنحمر الوجه.

    5.    

بعد الخبز منحدد الاطراف بالسكين ومنقلبا ع صينية تاني ومنسكب القطر البارد حسب الرغبه اللي بحب قطر كتير او لاء ومنزينا بالفستق الحلبي.
    6.    

القطر: 2 كاسة سكر وكاسة مي ونص ملعقه صغيرة ملح الليمون منحطن عالغاز ع نار هاديه وبس غلي المي مننتظر 5 دقايق ومنضيف 1 ملعقه صغيرة ماء زهر ومنطفي النار ومنتركو يبرد.